لتصفح أفضل على الموبايل حمل التطبيق الأن

يجب أن تعلم أن السويد مقبرة الشهادت الجامعية !

يجب أن تعلم أن السويد مقبرة الشهادت الجامعية !
Image

التعديل في يكون على خطين كل واحد ألو ناس تشتغل عليه و طلب يتقدم فيه و هنن تعديل شهادة البلكوريا و تعديل شهادة الجامعة هلق أول شي رح أحكي على تعديل شهادة البكلوريا الأدبي قدمت على التعديل بتاريخ 7-7-2015 وصلني التعديل ب 25-8-2015 يعني بحدود الشهر و نص ... بينما الجامعة صرلي مقدم عليها من 1-4-2015 و لهلق مو مبين شي :( المهم في السويد متل ما بتعرفوا ما عندن أدبي أو علمي .. لهيك التعديل لجماعة الأدبي كالتالي بيكون غالباً صواب .. بغض النظر عن المجموع ! فقط بيعطوك وثيقة رسمية بيقلك انو موادك اللي لاقينالها نظير عنا و اعترفنا فيها هي كالتالي : اللغة العربية 7 المعلومات الإجتماعية أو السمهيل كونشكابس1ب الرياضيات 1ب التاريخ 1ب و باقي المواد كلن ما بشوفوهم و لا بعترفوا فيهم !!! هلق الجمناسيوم السويدي ( البكلوريا ) هوة أنك تنجح في مستويات المواد التالية : اللغة السويدية 3 - SAS 3 *و هي بتجي بعد SFI بأشواط ( ما رح تحصل عليها بسنتين و لو كنت رامبو ) اللغة الإنكليزية 6 أو engelsak 6 أو ما يعادلها من التوفل أو الأيلتس لغتك الأم يعني العربية 7 المعلومات الإجتماعية أو السمهيل كونشكابس 4 الرياضيات 2 الفيزياء 2 الكيمياء 2 العلوم 2 التاريخ 2 هدول كلن بيشكلوا مع بعض الغومناسيوم السويدي يعني البكلوريا اللي لازم تكون معك حتى تكمل جامعة .. طبعاً مو ضروري للي بدو يدرس بعض التخصصات أنو يدرس كل هل مواد و يصل لهل مستوى .. لأنو في بعض الكليات ما بتطلب مواد معينة .. متل الهندسات . بالتالي بإمكانك تسقطها من حساباتك .. و أخيراً لحملة شهادة البلكلوريا العلمي في السويد بيجي تعديلهم كالتالي : اللغة العربية 7 > يعني خالصة المعلومات الإجتماعية 1ب > بدها تكميل ل 2 الرياضيات 4 > خالصة الفيزياء 1 > بدها تكميل ل 2 الكيمياء 1 > بدها تكميل ل 2 العلوم 2 > خالصة التاريخ 1ب > بدها تكميل ل 2 يعني ببقى عليك ترميم كل ما سبق لحتى توصلهم ل 2 و ضيف عليهم التوفل أو الإنغيلسكا 6 + السويدي في أعلى مستوى !!!! و كل خ.... قصدي تعديل و أنتوا بخير .. :( للعلم بالشيء و ليس المقارنة .. في ألمانيا يتم تعديل البكلوريا بتقارب يصل إلى 95% يعني شبه اعتراف كامل كذلك بقية الشهادات و التخصصات يتم تعديلها بشكل موازي تماماً .. أما في السويد .. على الرغم من أنهم بأمس الحاجة للأطباء و الممرضين .. كون على ثقة عزيزي الطبيب أنك لن تعمل كطبيب قبل 4 سنوات إن كنت بطل و استطعت تجاوز كل هذه العقبات البيرقراطية و الحمقاء بشكل صادم !!!