لتصفح أفضل على الموبايل حمل التطبيق الأن

المعلومات الكاملة عن وثيقة السفر الاوربية و اهمية تسليم جواز السفر السوري عند الوصول

المعلومات الكاملة عن وثيقة السفر الاوربية و اهمية تسليم جواز السفر السوري عند الوصول

موضوع هام كان لازم أحكي فيه من زمان .. و هو موضوع تقديم الوثائق الثبوتية عنك عند بداية تسجيل اللجوء في الدولة المضيفة .هلق .. في كتيرين ناس بيقلك لا تقدم جواز سفرك .. ما بتفرق شي .. بالعكس تقديم جواز السفر بيضرك و خصوصي أنو ممكن ما يرجعولك ياه .. و بيلزمك السوري منشان النزلة على تركيا أو لبنان و هاد الحكي صح .بس خلونا نوضح كم شغلة .. ( لأنو شعبنا بتفهمن و بحكي عن جهل غالباً ) .
1- جواز السفر هوة الوثيقة الوحيدة المعترف عليها (دولياً) لتثبت شخصيتك .. ما دون ذلك شقد ما قدمت من وثائق .. بيضل إعتمادها من عدمه راجع ((لمزاجية)) المحقق أو القاضي في أنو يعتبر شخصيتك مثبتة أم لا .. بينما جواز السفر بيسكر باب (المزاجية) حتماً !
2- عدم إثبات شخصيتك سيكون مرافق لكل وثيقة (إقامة/جواز سفر) تمنحك إياها الدولة المضيفة .. و هذا يعقد و يؤخر منحك أي وثيقة دائمة (الجنسية) في المستقبل البعيد حتى يتم إثبات شخصيتك عندهم ..
3- إثبات شخصيتك يمنحك (حق العمل) حتى قبل الإقامة .. حيث يمنح كل من يثبت شخصيته رمزاً على بطاقة LMA و هي في الخانة رقم 7 و رمزها ATT-UND و في حال عدم وجودها يعني أنهم لم يتحققوا من شخصيتك 100% و بالتالي تكون هذه الخانة فارغة .* و قد وجدتها فارغة عند شخص قدم هويته الشخصية فقط و شهادة القيادة و أخفى عنهم جواز السفر ..
4- لا أنصح بتقديم جواز السفر (حالياً ) فقط في حالة وجود أختام دخول دولة أوروبية عليه .. ما دون ذلك لا يؤثر .. حسب التجارب التي اطلعت عليها بنفسي.
* ملاحظة 1 : عند منح (حق الحماية الإنسانية) للشخص فإنه و (غالباً) يعاد له جواز السفر .. و في حال منح (اللجوء السياسي) للشخص فإنه و (غالباً) لا يعيدون له جواز السفر !!
خوفاً عليه من العودة إلى سورية من وجهة نظرهم .
* ملاحظة 2 : وثيقة السفر هي (شبه بسبور) ولكن تحتاج فيزا لكل بلدان العالم و من بينها تركيا الأردن لبنان و بشروط مصعبة مثل وجود حساب بنكي أو دعوة ... الخ بينما إن بقي معك جوازك السوري بتقدر تروح أيمت ما بدك على البلدان اللي ما بتطلب من السوري فيزا .. متل (تركيا / لينان / الجزائر / الأردن). يعني أكيد الجواز السوري أقوى من هل وثيقة
حسب تجربتي و بعد استلام الوثائق قد أبلغني المحقق في المقابلة الأولى أنه بفضل تقديم جواز سفري قد تم الثبت من شخصيتي و بالتالي أعطاني صفحة مكتوب بها أنه يحق لي العمل في السويد .