لتصفح أفضل على الموبايل حمل التطبيق الأن

كيفية زيادة نسبة قبولك في الجامعات الألمانية بالرغم من ضعف علامات البلكلوريا !!

كيفية زيادة نسبة قبولك في الجامعات الألمانية بالرغم من ضعف علامات البلكلوريا !!

اللي طلع من سوريا لالمانيا بعلامة بكالوريا قليلة لسبب من الاسباب وماعم يطلعلو قبول بالمانيا بالفرع تبعو يعمل التالي:
تقديم امتحان TestAS هو امتحان اكاديمي للطلاب الاجانب، الاشتراك بالامتحان كان بشكل مجاني اما حاليا بكلفة 80 يورو.
- شو هاد الامتحان؟
هو امتحان مكون من قسمين ولكل قسم له الحد الأعلى من العلامات ،قسم الذكاء والمهارات العقلية والدرجة العليا له 130 نقطة، وقسم المعلومات العلمية -حسب الاختصاص لي بدك تدرسو- والدرجة العليا له 130نقطة.
- طيب شو يعني هالكلام؟
بعض الجامعات الالمانية متل جامعة كولن وغرايفس فالد وكيل وماينز اصبحت تطلب من اي متقدم اجنبي للدراسة لديها بتقديم هذا الامتحان ليتم قياس مهارات الطلاب على اساسه وتحديد الافضل لاختياره والدراسة لديها.
- كيف بتتحسن العلامة؟
قبل كل شي، مافي نجاح ورسوب بهالامتحان، المطلوب من الطالب هو انو يجيب علامة اعلى من 100 حتى يبدأ تحسين العلامة. يعني اذا جبت اقل من 100 مارح تتأثر بأي شي لانو اصلا ماحدا رح يسألك وقت تقدم قديش علامتك بالبكالوريا.
لما تجيب اعلى من 100 بأي قسم رح يبدأ تحسين العلامة وكل جامعة الها طريقتها بتعديل العلامة والجامعة الوحيدة يلي ناشرة طريقتها هي جامعة ماينز -احد اشهر الجامعات الالمانية.
تجربتي :
قدمت الامتحان اول مرة ومامشي الحال -بالقسمين جبت اقل من 100- لما قدمت تاني مرة جبت بقسم الذكاء 104 من 130 وبقسم المعلومات العامة -علوم طبيعية- بما انو بدي طب 114.
تحسنت علامتي؟
اي، حسب مدرج العلامات الالماني صارت علامتي 1,3 بعد ماكنت 2,0.
- عند التقديم لاي جامعة يجب ارفاق صورة من شهادة الاشتراك بالامتحان مع العلامات.
- في كورسات للامتحان؟
للاسف لا، المعلومات جدا قليلة عن هاد الامتحان ونماذج الاسئلة غير متوفرة، ماعدا نموذج واحد موجود على الموقع.
يمكن تقديم الامتحان باللغة الالمانية او الانكليزية، يلعب دور كبير جدا بالقبول لدرجة الماستر كما ان DAAD احد المراكز المشاركة والراعية لهذا الامتحان.
طريقة التسجيل سهلة جدا بمجرد النقر على Test Centers او Testzentren ورح تظهر لائحة بالمراكز المشاركة بهذا الامتحان حسب المدينة وحسب السنة، عن طريق المراسلة بالايميل ممكن الحصول على مقعد.