نظراً لكثرة الأسئلة ومن أكتر القصص البعاني منها شبابنا حول موضوع طريقة استخراج سند الإقامة و تأجيل الجيش و الأوراق المطلوبة من القنصلية حبينا نشاركن تجارب شخصية و بعض المشاراكات القريتا عمواقع التواصل و تتلخص على الشكل التالي :
- أهم شي انت بحاجة لجواز سفر ساري المدة لحتى تطالع الإقامة ومنشان التمديد بدك تقدم طلب تمديد ومنشان ما تطرق مشوار بس منشان تعبي ورقة طلب التمديد بتقدر عن طريق التلفون تعطيون المعلومات تبعك للقنصلية وهنن بيعبو الورقة . بتوفر عليك وقت . واذا ما علق معك الخط أي شخص بيقدر يعبيلك ياها هنيك مو ضروري تكون هنيك وبشيكو عليك بسوريا بتاخد القصة حوالي ٣ اشهر وبعدين بس تجي الموافقة في كمان شي شهرين أو تلاتة لحتى يحطو اللزقة يعني بالمجمل مو أقل 3 اشهر بأحسن الأحوال.
- بعد ما تاخد الإقامة و الي بتكون عشكل بطاقة أو على شكل دفتر بحسب نوعها إن كانت سياحية أو عمل أو طالب ( في حالة إقامة طالب من الأفضل انك تاخد ورقة من الجامعة تفيد أنك طالب و فيها جميع التفاصيل عن الفرع و العام الدراسي) و بعدها بتتجه للقنصلية ومعك صور شخصية و بتقدم الطلب و بتوقعو و بخلوك توقع عالتصريح (1) و التصريح (2) و هنن متل تصريحين ألن علاقة بالتجنيد يعني شي روتيني مو اكتر و بيقلولك أمتى تراجعن مشان تاخد السند.
- بتبعت الأوراق عسوريا و بتصدقن من الخارجية و بعدين عشعبة التجنيد مشان حدى يبللشلك بالمعاملة بسوريا و المعاملة ما بدها وكالة و بالتجنيد بتقدم وراقك بيفتحولك دفتر إغتراب بكلف شي 50000 ليرة سوري وبتم التأجيل بشكل روتيني.
اعداد : أيهم