معلومات بالنسبة لدفع الغرامة عند السفر في تركيا

/ 12 تشرين ثاني 2014 01:00 مساءً / عدد القراءات: 3153 / تقييم الخبر: . 3.5
قبل يومين سافر صديقي وشفت اربع حالات هي كالتالي:...

قبل يومين سافر صديقي وشفت اربع حالات هي
١- امرأة كانت قاعدة هون ٤ شهور (مخالفة شهر يعني) ومقدمة على اقامة ماعطوها وماكانت جايبة معها ورقة انو مقدمة عأقامة ولا كانت بتحكي تركي دفعت ٣٧٠ ليرة
٢- رجل معو اقامة منتهية ومقدم تجديد ومامعو الاوراق تبع التجديد ولابيعرف تركي دفع ٣٧٠ ليرة
٣- امرأة معها جواز وداخلة تهريب عتركيا يعني ماعندها ختم دخول قالوا لازم تدفعي ٣٧٠ قالت طيب مابدي ادفع ولا بدي ارجع قالوا اصبح لازم تتحولي عالكراكون وهنن بكملو الاجراءات معك ( طبعا رح تروح عليها الطيارة هاد غير البهدلة ) فبالتالي كمان انجبرت ودفعت ٣٧٠ ليرة
٤ - حالتنا نحن اقامة منتهية ومقدمين عتجديد ومعنا اوراق التجديد والاقامة مخروزة بالاوراق وايضا على الاوراق مكتوبة تورايخ التاجيل عند مراجعة الامنيات ( مو كنا نراجعون يزتونا شهر ونرجع كمان يزتونا ) وكنا بنعرف شوية تركي جادلنا الموظف وقلنا نحن نظاميين وعم نقدم بس بالامنيات ماعم يعطونا وحتى شوف التواريخ كل مارحنا بأجلونا ... المهم اخد صور الجواز والاقامة وعطانا ورقة مرقنا فيها ومادفعنا شي
الملاحظ انو فيه مزاجية بتدفيع الناس عحسب الموظف وايضا عحسب الاوراق اللي بتقدملو ياها وشو بتحكي معو
طبعا نصيحة للجميع اللي بدو يسافر يتخد كل الاوراق معو واهم شي يكون معو شخص بيحكي تركي منيح لحتى يناقشو ويشرحلو بوضوح واهم الشي الطلعة بكير كتير كتير عالمطار
بشكل بس يفتح شباك تسليم الشناتي تكون اول واحد بسلم وتركض ركض عشباك الختم اذا ختملة ومرقت بكون منيح ما ختملك هو بحولك عشباك المخالفات والدفع وحتى ما تتاخرو صورة صورة الجواز صفحة اخر ختم دخول وصورو الاقامة الصفحة اللي فيها الرقم والتانية اللي فيها المعلومات والصفحة اللي فيها مدة الصلاحية
اذا ماكنتو مبكرين وكان زحمة باي باي طيارة بتروح عليكون

فيكن تقيمو الخبر يلي ليكون الكم دور بتحديد مصداقية الخبر و المصدر :)