موضوع تلقيح الأطفال من المواضيع الصحية المهمة للغربتلية بتركيا اول شيء ضروري جداً يكون معك دفتر لقاح للطفل مترجم حصراً، وكيملك للبيبي و فاتورة كهربا او مي او نت ( لاجل العنوان بالتفصيل) بتاخدهم وبتتوجه على أقرب مستوصف بالحي يلي انت ساكن فيه. في مستوصف بمنطقة بين إيفلير قريب من محطة راسف يولو (غازي عنتاب) .و بمجرد وصلت ع المستوصف بتعطي اوراقك للموظفة وهي بتوجهك لعند الممرضة وبس . بالنسبة للاطفال المواليد جدد كل مشفى بتعطيك شهادة ميلاد بتقدر من خلالها تطالع بطاقة كيملك للبيبي. طبعا حاليا الاتراك موقفين الكميلك للكبار، لكن الاطفال حديثي الولادة مستثنين، لذلك بتاخد البيبي مع شهادة الولادة وبطاقة الكيملك تبع الام وبتتوجه على المركز القريب من مول الشاتين كايا وخلال خمس دقائق بتحصل على الكميلك .. نتمنى لكم ولأطفالكم الصحة والسلام .