اول شي بتاخد ورقة من المشفى يلي ولدت فيه الزوجة وبتاخد الجوازات والاقامات الخاصة فيك و بالزوجة اذا ما في اقامة بترجم الجواز و بتاخد أما ترجمة عقد الزواج او دفتر العائلة وبتروح على القائم مقام يلي بمنطقتك kaymakamlık فيك تعمل عليها بحث بالجي بي أس لقسم النفوس نفس الكلمة بالتركي. بقسم ال DOĞUM  الولاده بتاخد ورقة من عندن (دغوم سيرتفيكيت) شهادة ولادة بالتركي. بيعطوك نسختين نسخة للامنيات بشان الاقامة ونسخة للسفارة ببلاش بعدين بتاخد الورقة يلي عطوك ياها وبتروح للسلطان أحمد مواجهة بوابة الحديقة الكبيرة بتسأل عن الوالي ليك بتروح لعند الوالي بالطابق الاول وبتصدق الورقة تبع النفوس ببلاش بس لازم يكون الجواز معك و بعدين بتروح على السفارة بتاخد موعد. يفضل تروح شي الساعة ستة الصبح مشان تلحق الدور بتاخد موعد من القنصل وبيقلك على الاوراق المطلوبة .. ممكن الموعد بعد شهر ونص او حسب. وبترجع لعنده جايبلوا دفتر العيلة اذا مافي عقد زواج مصدق وجوازاتكم والورقة المصدقة من الوالي وتلت صور شخصية ألك بتعطيه ياها بيعطيك شهادة ولادة وبسجلك الولد على دفتر العيلة تبعك وبتدفع هنيك 30 يورو بالبنك .
وبعدين اذا حبيت تطالعوا جواز سفر بسوريا لازم يكون ابوك او أخوك هنيك وبتبعتلن شهادة الولادة يلي عطوك ياها بالسفارة وصور لجوازك وجواز مرتك ودفتر العيلة وست صور شخصية خلفية بيضاء. هنن بينتظروا شي شهر او شهر ونص ليرسلوا البرقية من السفارة بعدين بروحوا على الخارجية السورية بسوريا بعدين على النفوس بسجلوا الولد ..وبروحوا على الجوازات وبطالعوا جواز ..وبحطوا مبلغ تأمين 200 دولار تدفع بالمالية بأسم الطفل صاحب الجواز. طبعاً بسوريا اسرع وارخص