باعتبار انو كلنا وضعنا تعبان باختلاف مواقعنا المسافرين خاصة.
وباختلاف اللغة ما بقى قدرنا نطور قدراتنا لهيك في مواقع عم تقدم دورات اونلاين .. تنمية بشرية وقدرات شخصية احترافية ( كالتصميم والمونتاج وغيرو) بعض هي المواقع عم يقدم شهادات الكترونية أو ورقية عن طريق البريد بسعر مقبول للمسافرين نوعا ما وبعضها ما عم يقدم بهالبوست حاولت اجمع اشهر مواقع ومنصات مختصة بهاد الموضوع
- موقع أليسون ... جدا غني وبيقدم شهادات بحوالي 25 يورو الكترونية او ورقية ومواضيعو مختلفة منوعة بالاضافة لتعليم اللغات و التنمية البشرية والادارة http://alison.com/
- موقع كورسيرا ... هو الاشهر عالميا .. دوراته مقدمه من جامعات عالمية وبيقدم شهادات بحوالي 50 دولار لكل كورس وعنده ميزة الدورات المتتابعة اللي بتقدر من خلالها تاخد دبلوم بموضوع معين متل ادارة المشاريع على سبيل المثال https://www.coursera.org/
- موقع او منصة إدراك ... موقع اردني برعاية ملكة الاردن جديد و عم يتطور .. الداتا بيس تبعو صغيرة لكن دوراته مميزة وبيعطي شهادة مجانية وعم يحاولو يكبرو ويتعاونو مع مواقع تانية متل بيت دوت كوم أكبر موقع توظيف بالشرق الاوسط https://www.edraak.org
- موقع رواق ... غني وجميل و عم يتعاونو مع اشخاص ودكاترة جامعات عظيمين على مستوى الوطن العربي وبقدم شهادة مجانية الكترونية http://www.rwaq.org/
- موقع ميغا كورس ... دورات تعليم احترافي للكمبيوتر ... من التصميم و المونتاج و علوم الاي تي ككل ,,, اله تطبيق للايفون و الاندرويد بس ما بقدم شهادة ... خبرتك وعلمك هو اللي بأثبت وجودك http://www.mega-course.com/
- موقع اكاديمية تحرير ... دورات تنمية بشرية و تطوير ذاتي ... كان من الاوائل بالوطن العربي بهالمجال وباسلوب جميل http://www.tahriracademy.org/
- موقع فرصة مختلف قليلا بالفكرة .. مهمته ينزل اخبار عن أي فرصة تدريب أو منح دراسية و دورات مع ذكر المكان والتاريخ و العينات المطلوبة واللي ممكن تنقبل بالتدريب http://www.for9a.com/
- موقع ملتقى الدارين ... دورات كتيرة لكن للاسف تقنيا ضعيفة بس مواضيعا مختلفة http://www.aldarayn.com/
- موقع تيد المشهور ... فيديوهات عن التنمية البشرية وتجارب شخصية ملهمة لأشخاص ومحاضرين جدا مشهورين وماثرين بحياتنا بشكل أو بآخر ... متوفر بأكثر من لغة ومع Subtitles لتساعدك بتقوية اللغة http://ed.ted.com/
- موقع Edx عم يقدم خبراته بالدورات والورشات لموقع إدراك العربي ... تنمية بشرية و تطوير ذاتي https://www.edx.org/
- موقع أوبن تو ستدي ... على مبدأ كورسيرا و أليسون ... دورات ودبلومات متكاملة جميلة واحترافية https://www.open2study.com/
وبالاضافة لهالمواقع التانية اللي كل وحدة بتقدم ميزاتها وخبراتها مجانا
- موقع وقف اونلاين
http://www.waqfonline.com/
- موقع تعمل
http://www.ta3mal.com/
- موقع فري4 أرب
http://free4arab.com/
- موقع المركز الدولي للصحفين
http://icfjanywhere.org/
- موقع نفهم
http://www.nafham.com/